.gif) صالح! بقلمي
قصيده كتبتها بعد ميلاد ابني صالح
الله يخليه ويصلحه
ارجوا تنال بعض الرضا منكم
.
لا ناض برّاق الفرح وازبر غيوم
وهلّت هماليله على كل بادي
وازهوهرت ورده على عمر مضيوم
وسالت سيول العطر في كل وادي
ما يمر في الخاطر سوى وجه مرسوم
من نور رسمه شقّ ظلمة فؤادي
صالح سطع نوره على قلب مهموم
وصارت حياته بالسعاده تنادي
وصالح على القالات بالطيب ملزوم
له جدّ عن درب الردى دوم حادي
الجد صالح في سما المجد ضيغوم
ذكره على الطولات علم(ن) وكادي
وصالح عن العيبات له سهم مسموم
يطعن خفوق الشر ويحيد غادي
عمّه علي ذكره عن البوق محشوم
واحه ظليله جوّها دوم هادي
صقرٍ تعلّا فوق عن كل منقوم
جارح موايق فوق روس العوادي
مايصير صالح غير بالطيب ملزوم
ويدوم صيته بالشهامه يمادي
مادام جدّه مزن هطّال محموم
وكتاب عمّه للرجاله مبادي
الله يمدّه بالفرح دايم الدوم
وبقراءة القرآن له صوت شادي
ومن الخشوع يكون له وجه موسوم
بسيما السّجود الّلي تغم الاعادي
وصلاة ربّي عدّ ما ونّ مسقوم
على النّبي سيد الحضر والبوادي
.
.
دمتم بكل خير |
__________________ اضحك مردّك يوم بتواجه الدّمعه امّا على جيّتي ولا على فرااااقي ! | 
« آخـــر مشاركات الأنساب »
01-11-11, 06:35 PM
العرض العادي
