رغم قسوتهم حنون]~
أسمر سقته الشمس ماها لين فوّح في مداها و أدهش الليمون
و أبيض من اوراق السحاب و من عباب الماء و من نبع العيون
روحه غمامه من سما
بوحه ضما
نوحه رفيف غصوون
موزون ..
لكن لاسمع صوتك تبعثر و إنهمر و إختل فيه الكون
و محزون ..
لكنّك تنسيه الحزن كل ماحضن طيبك شقاه و هدهده بالهون
و مفتون ..
لكن فتنة العاشق مراتب و من تكوني عشقة احساسه
طبيعي لو رفع راسه
وعاشق بمرتبة مجنون
قالت : ولد مجنون
قلت : وعآشق(ن) مجنون
تدرين وش معنى مساء الخير ؟
تدرين لا طارت من شفاهك من اللي يطير ؟
عقلي يطير
و كوكبي يفتر عكس الإعتياد من الطرب و المستحيل يصير
آمنت بالله القدير
حلّ الدفى و البرد فارقني و فلّ الزمهرير
رجعت حيّ و قلت حيّ الورد الأصفر و العبير
حيّ الصباح اللي تشابك بالمسا حيّ الحرير
حيّ الحياة اللي طعمها يشبه الجنّه كثير!
قولي مساء الخير ’’أورّق و انبعث و آكون
ولا تسألي وشلون !
مجنون !!
ومن قولي بربك يسأل المجنون إلاّ واحد(ن) مجنون !!
قالت : ولد مجنون
قلت : وعآشق(ن) مجنون
مرّن ثلاثين و عليهن من سنيني زود
وكان العقل موجود
لكن وش جنيت من العقل و الثقل ومن الليالي السود
وش فادني صبري و مقطان الحنين اللي سرق عطري سنين و بادني وش زادني ؟
مازادني إلا جفاف إسمه رشاف المجد
و المجد زيف إن ماعركته باليدين المجد
المجد لله في سمااه و في ثراه
ماغير حُبّك مجد
ياشوق مشغلني معه
ياطربتي لافزت من أقصى الضلووع الاشرعه
انا اتوّجد وجد و ياجعل قلبك مايذوق إلارفيف الوجد
ياعذبة العنقود ’’
إشتقت للباروود و إن كان بك مثل إشتياقي ’’فجريني بالتلاقي’’ وإنسفيني جود!!
أنا إحترآقي في عيونك كل همّي و غاية المقصوود
ولاهمّني هرج الملا خل الملا يحكون
مجنون !!
ومن قولي بربك يسأل المجنون إلاّ واحد(ن) مجنون !!
قآلت : شاعر(ن) مجنووون!!
.
.
.
الدّكتور صالح الشّادي
.
.
.
دمتم بحب
« آخـــر مشاركات الأنساب »
08-01-12, 01:33 PM
.gif){kind=icon}
ولد مجنوووون !! 
العرض العادي
