يبدوا أن البعض يطبق قاعدة'' خالف تعرف '' حتى ولو على حساب أمر جلل كالأنساب ولو كان نسب النبي محمد صلواة ربي و سلامي عليه وهذا رد في نفس الصفحة:



صلوح المملوح 01-28-2005 08:23 AM

--------------------------------------------------------------------------------

لاهنت يابوحمد الظاهر نبي نسميك مؤرخ المنتدى

لكن بالنسبة لقصيدة عبلان يرجح أحدالمؤرخين -أبوعبدالرحمن بن عقيل- انه يقصد المكارمة امراء نجران اللي يقال انهم من الاشراف ولهذا وصفهم بالهواشم ومثله سالم بن حوشان قال يفخر بأهل نجران:

مقدم بني هاشم هل المدح والثنا***نسل شريف مطوعين الأشرار

أما ذكرت انهم يلتقون مع الأشراف في جدهم هشام هذا القول أول مرة أسمعه أتمنى انك تعطينا اسم الكتاب اللي مذكور فيه هذا القول وترى يمكن المسألة تشابه أسماء ليس إلا وأتمنى انك تذكر قول أحد يعضد اللي ذكرت خصوصا ان المتواتر-حسب علمي- اننا من يام وهذا مذكور باستفاضه بين شعراء القبيلة
أما البيت هذا
الهاشمي له في قريشٍ مقاضيب،،،،، تلقى عن أصله فالادلَّة فتاوي

فهو يقصد الوعلة وما جاب للعجمان أي ذكر لكن الكاتب اللي ذكرت هواللي ربط العجمان بالوعلة بناء علىاستنتاجه


يقول سالم بن حوشان العجمي من آل سليمان:

ولعل جد حط( مذكر) ضنينه**تكتب له الجنة مع الأبرار

الشاعر هناينتسب للجد الأعلى وهو مذكر بن يام بن أصبا بن دافع بن مالك بن جشم بن نوف بن خيران بن همدان
أما ماذكرت ان الدويش من شهران فانا رحت لموقعهم وشفت الدوشان موجودين بشجرة العائلة؟؟

أما تركي بن حميد فهذا نسبه مذكور بديوانه:


هو الشيخ تركي بن صنهات بن حمد بن حميد فارس عتيبة وشاعرها وقائدها في المعارك.
وال حميد اسرة مشيخة يرجعون الى الكرزان من المقطة من برقا احد جذمي قبيلة عتيبة

أما ابن رشيد مادري من تقصد بالضبط منهم

وحتى لوان الكلام اللي ذكرته صحيح فهذولا أفراد أو أفخاذ معروفين والأحلاف اللي بينهم معروفة بين القبايل
لكن حنا نتكلم عن قبيلة من أكبر القبايل بالجزيرة العربية خصوصا ان نسبتها ليام مستفيضة ومعروفة بين القبايل
ومذكور بأشعار شعراء العجمان على اختلاف أفخاذهم ومذكور بكتب مؤرخي نجد القدامى ''

نقل ...