صفحة السادة الأشراف على الفيسبوك

ألا يا حمامــات بـوادي دمشـق= وراكــن فــرق والحمــام نجـوع
بليـت يـا فــرق الحمــام بنــادر = من الجو مهذاب ٍرمى به جوع
كأن عطيط الريش من ضرب مخلبه = كما وصف حراّث بذر زروع
وراكن ما تبكن للجازيه أم محمد = عليها ثوب الطيلسان لموع
هلاليهٍ ما دقت العرن بالصفا = وشحم الذراعين بالكليبين يموع

يا ركب ياللي في عصير تقللّــــــــــوا = على ضمّرٍ شروى الجريد النحايل
عليهن غلمان لكن وجيههم=بدر الدجا فيه اللحى والجدايل
على هونكم أوصيكم وصاةٍ ما تضركم = يفرح بهــــــــا راع الثنا والجمايل
يجيكم واحـــــــــــــدٍ ما يزر ثوبه = هبيــــــل يلعب بالقلوب الهبايل
تراه أبو زيد الهلالي ســــــــــــــلامه = راع الصخــــــــا راع الوفا والفعايل
قولوا لأبا زيـــــد ترى نجد مخـــصبة = وتــــــرى كل واد من مغانيه سايل
أبا زيد تنساني وتنسى جمـــــــايلي = أمداك تنسى يا جحود الجمايل
أبا زيد حب الناس عام وينقضي=وحبي أنا وياك طول مطايل
ويش أنت خــــــــابر يوم الأرطاة بيننا = يوم إن جعـــدي فوق متنيك مايل
ويش أنت خـــــــابر يوم ترشح ذبّلي = كما يرشح العطشان باقي البلايل
قولوا لأبا زيد إن نســـــــــاني نسيته = وإن دوّر البدلا لقينا البدايـــــــــــل
إذا لفيتوا سلم الله حيكم= متبجحين في حضون الحلايل
وفيكم من يلفي على بيت عمهج= تسليه عن ماله وتشفي الغلايل
وفيكم من ملفاه غما كسيحه= من الغم شينات الطبوع الهبايل
وفيهن من لاجاء لبيته حليلها= تسقيه فيح مثل حام الملايل
وكم من صموت الحجل تبلى بعاقه= وكم عاقة ترزق بواف الخصايل
أوصيكم وصاة ما تثقل ركابكم=ايلا اعتليتوا فوق هجن أصايل
قولوا لأبا زيد عليا مريضة= ولا بقا من حاله إلا القلايل
قولوا لأبا زيد لا غاب محلف= يأتي على وجنا من الهجن حايل
أبا زيد زلبات السبايا مغره= عيرات الأنضا خير منهن فعايل
أخفي الغطا من دون أبوي وعزوتي= وأخل الغطا من ما يواليه مايل
أبا زيد ما يصغي للضايع الغدي= ولا ينفع القلب المحب العذايل
أبا زيد مل الله من مل قربكم= من لا بكى يوم افتراق الحمايل
أبا زيد بذار الشعير استرده= ومن قدم الحسنى تقاضى الجمايل
أبا زيد لولا البحر بيني وبينك= جيتك على وجنا من الهجن حايل
حايل ثمان سنين ما مسها الضنا= ولا دارها الجمال بين العدايل
لكن بنات البدو يمشطن ذيلها= على ثومد العرقوب غادي همايل
لكن صرير المرو من تحت خفها= صريخ القطا في محكمات الحبايل
لكن يد البذار أوماي راسها= وإن درهمت في حاميات القوايل
لكنها بالحزم الأدنى نعامه= وبالحزم الأقصى من دقاق الزوايل
غزالية المقدم جمالية القفا= هي شغلكم يا راكبين الرحايل
يبيعون ما باعوا ويشرون مـــــــا شروا= ولا غبنن إلا بالنضــــــــــا والحلايل

ألا أبلغ جميع بني هــلال = وعامرها وكعبا أجمعينــا
بأن الغدر عم بني كــلاب = وخص به بني أم البنينــا
فلو مدوا بحبل من عقيــل = لألفوا حبلهم صلبا متينــا
أو القرطاء ما إن أخفروهم = وقدما ما وفوا إذ لا يغونـا

بني أم البنين ألم يـــرعكم = وأنتم من ذوائب أهل نجـد
تهكم عامر بأبي بــــراء = ليفخره وما خطأ كعمـــد
ألا أبلغ ربيعة ذا المســاعي = فما أحدثت في الحدثان بعدي
أبوك أبو الحروب أبو بــراء = وخالك ماجد حكم بن سعـد

حنا أهلها وأهل عليان خلوها= حركوها وماجوا عن سبايبها

وردناك يا عد يسمى وشيقر = وصدرنا ضمايا والشراب وجيد
وهد لنا من نايد المال بكره = وعقرها من لا رايه عليه سديد
وجازاه عمار الهتيمي بمثلها = وقطع ساعده في الحال بالسيف وكيد
وصاحوا وصحنا واشتبكنا بجمعهم = وصار الطراحا بيننا ما لهم عديد
إلى حدونا لجينا بسلامه = وإلى حديناهم لجوا بحديد
حديد يحد الخيل بذويرع القنا = يعدي على فرساننا ويزيد
ثم اطرد قدمه ذياب بن عامر = وذبحه تحت هاك العدام وحيد
طعنه بشلفا صنعة ابن جباره = تودع حلاقين الدروع بديد

حنا عبيده لا عبيده غيرنا = إلا عبيدة جنب وأهل براد

يقول أبو زيـد الهلالـي سلامـه= عرض الفتى مثل القزاز الرهايـف
صونه عـن الأنـذال لا يكسرونـه= ومن جانب الأجواد ما ني بخايـف
ثـلاث معـانٍ ما وطاهـن خـيّـر= لك الحمد أنا منهن ثيابي نظايـف
منهن من يضوي على بنـت عمـه= وهو سترها الضافي نهار الكشايف
ومنهن اعراض الفتى عـن قرينـه= إلى مشعوا حدب السيوف الرهايف
ولا نيب من يعطـي عطـاه ويمنّـه= لو جاء من المعطى أمـورٍ عنايـف
إلى مضى الماضي وفات الذي مضى= أخس ما تطري الرجـال الحسايـف

يقول أبو زيد الهلالـي سلامه= ونيران قلبـي زايدات (ن) وقيـد
يا غادين مني على متن ضامـر= تقطـع فيافـي برهـا البعيـد
إلى جيت الغضبان بلغ سلامـي= وأعطه كتابي من غيـر نكيـد
قله لقد طلبـت عشـر أموالنـا= وخاطبتنـا بالغيـظ والتهديـد
وطلبت بنات مكحلات نواعـس= بنات الإمـاره مثـل ورد البيـد
ما كنت تعلم يا خسيس وراهـن= أسود قروم هـلال وكـل عنيـد
وراهن حسن أمير قيس وعامر= حام النساء من كل قـرم عنيـد
وراهن أبو تكنا بدير بـن فايـد= على متن ضامر مثل نار وقيـد
وراهن أبو موسى ذياب بن غانم= على ظهر خضرا للغزال تصيـد
وراهن أبوضرغام شيخ شبابنـا= ستيـن ألـف قومـه وتـزيـد
وأنا أبو زيد الهلالـي سلامـه= أخلي الفوارس على التراب مديد
أفني أكابركـم وكـل رجالكـم= وأجعل دماكم على التراب بديـد

سمعت منك يا فتى الجود ونـه = عساك منها يا فتى الجود سالم

أنـــا سـالــم مـنـهـا ولانـــي بـسـالـم = والـراس مـا تطـوى علـيـه العمـايـم
أنا سالم لو ما أزرق الناب عضنـي = ضـربـنـي بـنـابـه وإتـقــى فالـرقـايـم
وأنـا خايـف يـا خـال هـذي منيـتـي = ومـن رافقـك يـا خـال مـا رد سـالـم

يا وليّد قم خـم الرشـا واحتـزم بـه = خل أظهرك عن بير فيه السمايم

يـا خــال خــل الــدوح والـنـوح خـلـه = واعمل بقبري يـا عطيـب الضرايـب
خـل القبـر فــي راس عيـطـاً طويـلـه = وسيفي ورمحي حطهن لـي نصايـب
أغــــدي بــنــات الـهـلالـيـه يـجـنـنـي = يجـذن عـلـى قـبـري بــروس الـذوايـب
وداعـتــك يـــا خـــال ورعٍ صـغـيـرٍ = يلعـب مــع الصبـيـان وأبــوه غـايـب
أحذرك أنا يا خال عن ضربة العصا = أو نـهــرةٍ تـــودع قـلـيـبـه حـطـايــب
وقولـوا لبنـت أمـي تغطـى وتستـحـي = ليـا جوا لهـا الخـطـاب فــوق النجـايـب
وقـولـوا لبـنـت الـعـم تـرحـل لأهلـهـا = حـرم عليهـا الـيـوم شــوف الحبـايـب

دفقـت علـى قبـر الهـلالـي قربـتـه= وخليتها تسق الريـاض المجـادب
وحطيت على قبرالهلالي جوخته= وخليتـهـا تــذرا علـيـهـا الهـبـايـب
وحطيت على قبر الهلالـي فتختـه= فـي مـاقـع يشوفهـا كـل صاحـب
وعقلت على قبـر الهلالـي بكرتـه= وخليتهـا تعتـب حـوالا النصـايـب

يقول الفتى حسن بن سرحان بعدما = غشاء الجومع عج السبايا لوايح
إلى صاح من الرعيان صوت مطرف = يقفاه ذير ذا إلى ذاك صايح
إلى ثار عجاج العزيليات ثم قشعت = خيام العذارى وأرجف الجو صايح
وجاء البوش يحدى هاضل من معازبه = حيرانها مثل النعام الطفايح
وهذا يلاويها وهذا يعنها = وهذا يناديها بدرع وصفايح
ولا هالني إلا سربة صخرية= عليها عيال فوق عرض الفطايح
يردون على طريحهم يشلعونة = وطريحنا يترك على الأرض طايح
خيل على الإقفاي بأوصاف ضلعاً = ومر على الإقبال صم صحايح
ذي سربة والله ينتهدد بها = على الجبل أمسى قطاع سرايح
لكن سباياهم إلى أدبرت بهم = مهوجرة خوف الشنا والفضايح
وحنا سبايانا إلى دبرت بنا = قطا شرع وأهوا عليها بلايح
ركبت أنا قبا لكن شليلها = جرم عسو من علا النخل طايح
وا مهرتي غذيتها لين حينها = أبغي عليها بالمضيق المدايح
وا مهرتي عقب الفلا باتت الخلا = عشاء لطير جاء من الجو سايح
ضربها ذعار الخيل تركي بالقنا = وإلى الفلو من بين الإثنين طايح
لكن شعيع الدم من فوق نسرها = رغا ثعلب وإلا من البير مايح
لهم جيت وإلى المضيق قد امتلا = من الخيل والشبان صرعا ذبايح
لكن جثت الصبيان في قاع رمرم = هشيم سدر جضعته الروايح
من أول ما أبكي ولا أعرف أنا البكا = واليوم كثرت البكا والنوايح
بكيت على عقل ابن أخوي راعني = يوم (ن) لقيته بأوسط الخيل طايح
رديت له راس الجواد وقال لي = كفيت العنا يا عم أنا اليوم رايح
ترى أول ما دربيت خديني محمد = وهو لاحق يبغى طريق المدايح
وثاني ما دربيت خديني خلايفة = وهو لاحق يبغى الشوال الملايح
وثالث ما دربيت عبد بن نوفل = وهو لاحق بابل سمان لقايح
ورابع ما دربيت خضراء بسرجها = وإلى المهر مع مضرب الرمح طايح
يسوقوننا بالريع وحنا نسوقهم = بالأبطال منا والوجية السمايح
يقولون ذلوا ما ورانا مذلة = من دوننا خفراتنا والصوايح
يريدون خور اللي تواما خرومها = عليها وسماً لابن سرحان لايح
يريدون خور كنه النبت درها = من فوقها وسم الهلالي لوايح
ناخوا ونخنا للمطارد وعلقوا = يريدون كسب المسمنات اللقايح
اليوم الأول لا علينا ولا لنا = واليوم الثاني ما قبلنا النصايح
واليوم ثالث خالط السعد حظنا = لما كثر بين السبايا الطرايح
راح كما الجلعد وحنا حريقته = عصير هب لها نسيم البوارح
وجينا العذارى مثل جهجال المها = إلى مرقب العليا عجال شنايح
أطفوا العدا لا بارك الله بالعدا = ليوم جرى جاله من السو قادح
هشنا لما إنه خاضت الخيل بالدما = وصف الدلي ما بين ساقي ومايح
يضربوننا بالشاكري ونتقي = بالإقبال منا والوجية السمايح

فإن تك في عليا هوازن شوكة = تخاف ففيكم حد ناب ومخلب

يقول الفتى الزغبي ذياب بن غانم = لي راي اقسى من حديد المبارد
ولي حربة سميتها سم ساعة = أعرِضها بالكون ما كان كايد
حنا بلينا بالخلا بألف فارس = وحنا ثلاثين ولا زاد زايد
وأهل عشر منا تادب الخيل بالقنا = كز إليا شروى هشيم الوقايد
أبا زيد من أيمنهم وأنا من يسارهم = كما النار لا شبت ببعض الحصايد
وأهل عشر منا هملوا روس خيلهم = وأهل عشر منا موكدين الشهايد
ينخون خيال بهم ما عرفته = يقولون له يا وهق يا أبا العوايد

ترى خيلنا تسعين ألف نعدها = وتذكر لنا خيل الهلالي مثالها
ولو تجتمع خيل الهلالي وخيلنا = أبا زيد يركاها ويركا أمثالها

أبا زيد بقت العهد بين وبينك= تخون عهد الله يالغدار

لك الله يالعلام ماني بايق = ما بيننا والسابقات جوار

أبا زيد جرني سبق الخيل جنني = عليها حناقا يدعون بثار

لك الله يالعلام ما ني بشيخهم = علينا كبار ومقتفين صغار

خذ السيف والدبوس مني هدية = من قبل أنا أذبح ويوخذن جهار

اهب يالعلام ما قو باسك = لو هي بغيرك كان عقله طار

والله يالو به مدفع مالحقتني = لورف مهرك بالجناح وطار
ولو دامت العباد تقرا مصاحف = يوم دنا ما زودوه نهار

يقول أبوزيد الهلالي سلامه = قلبي لعبه بين شاري وسايم
قالوا تقدم يا سلامه فلا هفا = مقامك يا ذيب السرايا الدواهم
طلبت الفتى يحيا ومرعي ويونس = ولا غير هذا ولا رفيق يوالم
دعيتهم والكل دنى قلوصه = دعيتهم ثم احرموا بالمحارم
سرنا لين ما قالوا الربع كلهم = زهابنا كمل حذات الذمايم
قلت أبشروا ثم أبشروا ثم أبشروا = بعز ورشد كل يوم يوالم
سرنا مع الحران تسعين ليلة = نقوّد الطوعات خلف الجهايم
وردنا بها تسعين عين غزيرة = ولا سقانّا عقب الفلا والبهايم
سرنا على اللي باللقا واعديننا = على شيخنا غادين مثل العلايم
عزلنا لهم تسعين ألف مدرع = من عزوتي وأهل الوفا والعزايم
ضربنا بهم بدوس وهمه = بكز العوالي والسيوف الصاريم
تبكي الصفيرا عبرة بعد عبرة = تزيد على ما قيل اّه وهايم
وقال ابن سرحان عليها مجورة = حرام عليها مالغيري تلايم
وقال ذياب بدلوا ذا بغيرة = أنا شوقها أنا ستر قاني الرقايم
قالت لهم ما تاخذ إلا برايها = لو كان جمّال ردي العزايم
كثرت من هذا وكثرت مثله = وطال العيا بيني وبين ابن غانم
ولا يد إلا ويد الله فوقها = ولا ظالم إلا ويبلا بظالم
أعمارنا راحت نداري زماننا = ولا خير في عمر مداراه دايم
ولا خير في عمر الفتى مع حياته = إلى عاد ما تكثر عليه الجرايم
لك الله ما ذقنا بنجد طرابة = حذا العيد أو حذا ليالي الصرايم
يا نجد لو إن الجفا منك مرة = صبرنا لكن الجفا منك دايم
يا نجد وإن جاك الحيا فازعجي لي = مع الطير وإلا مع هبوب النسايم
يا نجد وإن جاك الحيا فاصعقي لنا = صوت رفيع موقظ كل نايم
سرنا إلى مضافة ابن مقدم = صواهي طواهيها ثمانين خادم
أخذنا زمان ما مللنا جنابة = وزهب لنا من قبل حل المصارم
سرنا خلال العز تسعين ليلة = إلى دار روم من كبار العمايم
سعوا لنا بحبال شرع قطايب = حطوا يدينا من ورانا حزايم
أقفوا بنا وألفوا بنا عند منزل = بدر تجلا عنه بعض الغمايم
قالت لنا يالربع وين دياركم = ومنين جيتوا يا رجال العزايم
قلنا حجّاج ومن دار عامر = تقازا بنا أكوار البكار الهمايم
قالت لنا والله ماذا بعلمكم = كذبتوا علينا يا وجيه الخدايم
معي علمكم من يوم سرتوا من أهلكم = تقازا بكم أكوار البكار الهمايم
معي علمكم يحيا ومرعي ويونس = وأبا زيد لباس الدروع الرسايم
قلنا عطاك البين أنتي طبيبه = أو زاد لك بين السراير معالم
قالت لنا والله ما أنا طبيبة = ما غير أشوف اللي به الموت حايم
أبا زيد لا بد ما تملكوننا = وتسعون لنا بعض الليالي وهايم
ويذبح ذياب أو سمية والدي = وياخذني منكم ذياب بن غانم
قلت قولي خير عسى تاجدينه= وربي لراعي الخير يلقاه دايم
راحت تخطا لم أبوها تقول له= ألا يا أبوي واحذر لشوري تعاسم
يا أبوي ربط العبد يدني معيرة = لو صار في وسط القبور الهدايم
قال لها يا بنت شورك مبارك = قومي وجذي حبل نسل الخدايم
جتنا تخطا فرحة غير كرهة = تقول أبشروا ياالربع أبا زيد سالم
دنيت للزيزا صميل ومزهب= ودنيت لي رمح طويل العلايم
ودنيت لي مامونة هيكلية = إن سندت لي قاعد صرت قايم
إلى سرتها تسعين ليلة ونختها = إلى حسن في نجد وأثر المكارم
تجي لي النجلا توهب مزهبي = ولقت خطوط فيه زين الرسايم
قالت يا أبا زيد هو ما قال يحيا وقلت له = حث الخطا إلى نادم الحي نادم
قامت تنعت لي رجال الزعامه = يالبيض طلعن الغطا واللثايم
وصاح ابن سرحان بشبان قومه= وترى أول من مشى ذياب بن غانم
سرنا عن أم القد نجد وقشعن = خيام العذارى قانيات الوشايم
سرنا على هجن قد انقاد حيها = وعرض لنا طير الفلاح أم سالم

يقول أبو زيد الهلالي ســلامـــه= دعا سو بقعا مقدم الراس شــايــــب
أخاطر بعمري في ذرا كل هيــــه= مر (ن) سلامات (ن) ومر (ن) مصايـب
الإجهاد عدا اللايمات عن الفتى = والأرزاق ما تاتي الفتى بالغـصــايــب

وراك يا أبو زيد غـاد (ن) شايـب= شايب ومشهوهب وكنك ذيـب
أنا أشهد إن البعد ما يهم طيـب= ولا هو على جزل الرجال صعيب

بلا من هجرك ومن غربة النيا= ومن نوبة (ن) تزمي وهذيك تهيب
أهلك بالوديان وديان بيشـه= وأهلي شمال الشمس يوم تغيب

يقول الهلالي والهلالي سلامة= علي الطلاق إن المقل ذليل
ينوض يبغى للمراجل وينثني= كما ينثني للحمول هزيل

أبوك بالمغزى يجيب غنيمه =ومن طوّل الغيبات جاب الغنايــم

أبوي لو هو حيّ روح كتابه =مع الطير ولا موميات العلايم

طلبتك للمنـوع منـك سفاهـه=وصدك عن اللي صد عنك صواب
لا شفت ناس عنك مغلوق بابهم=بظهور المطايا يفتـح الله بـاب