الاخ طلال الجرباء اسعد الله اوقاتك
قصه الظفيري دخيل مبرد ابن مناور السوقي هي ليست ببعيده تاريخيا وانقلهى لك كمى يرويهى شيبان العفاريت لانهم نقلوهى من ابائهم الذين حاضرينهى وتفضل القصه

غزاء ..سعود الرشيد من نجد معه شمر وارسل مرسال الى فيصل الفرحان الجرباء بالعراق وطلب منه يجيب شمر اللي بالجزيره ويغزون على الظفير ببو عجاج ... وبعد ماتجمعت شمر اهل الجزيره واهل نجد .. غزو على الظفير ودارت المعركه بين شمر والظفير وانتصرو شمر وكسبت الكثير من الغنايم ( الابل) وبعد ماانتهت
المعركه تقاسمو الغنايم الى قسمين قسم لبن رشيد ومعه اهل نجد والقسم الثاني للجرباء ومعه اهل الجزيره
وبعد ها كل" عاد الى ديرته وكان نصيب فيصل الجرباء قطيع من الابل ... وبعد مرور سنه او اكثر............. اتا شخص على فيصل الجرباء يدعي انه بعيجي و يبحث عن عمل واتفق مع فيصل ان يكون راعي يسرح بالبل وبعد فتره من الزمن كانت البل تعزب بالبرء من يومين الى ثلاث ايام وتعود للماء وفي اليوم المحدد الذي ترؤح به البل لكي ترد على الماء تأخر الراعي مارؤح وارسل فيصل مرسال للمراعي يبحث عن البل وعاد المرسال لم يجد البل وفي اليوم الثاني ارسل رجاجيل يبحثون عن البل والراعي وقامو يقصون اثر البل وهي متجهه للشرق حتى وصلو الشط ووجدو اشخاص عند الشط وسئالوهم عن البل قالو قبل يومين عبرت الشط البل اللي كذا كذا اوصافه.. قالونعم هي البل اللي نبحث عنه .. وتابعو الأثر حتى وصلو ديار الظفير وعادو الى فيصل وبلغوه بالامر .. وارسل مرسال على الظفير يبحث عن البل والراعي البعيجي بعد وصول المرسال قالو الظفير هذي اباعرنا وعادت لنا والراعي ليسا بعيجي بل هو راعي البل السابق وهو ظفيري وتسمى بعيجي لكي يعثر على
اباعره وهاهو وجد اباعره واعاد به الى الظفير ... ورجع المرسال على فيصل وبلغه بما حصل .... وقام فيصل الجرباء وبلغ شمر اهل الجزيره .. ان الظفيري مطلوب لايدخله احد ومن يذكر ان عنده ظفيري بالجزيره سوف يقتل ويوخذ حلاله .. وقد اعذرمن انذر .. وبعد فتره كان فيه بيتين من شمر. وهم
علي القزيزمن المحيسن
وبطاح الدريهم من الجدي .
كانو على حدود الظفير مايدرون في بلاغ الجرباء وكان في جوارهم بيتين من الظفير
وبعد ما امحلت ديارهم عادو الى الجزيره ومعهم جيرانهم الظفران وبعد ما وصلو الجزيره تفاجئو بالامر قدامهم
نزلو على العفاريت معى مبرد السوقي وبعد فتره وصل الخبر الى فيصل الجرباء وجاء فيصل على العفاريت وكل العفاريت موجودين قال فيصل ليه يامبرد السوقي تنزل الظفران عندك وانا مبلغكم ان أي ظفيري مطلوب ؟ قال مبرد والله مادعيناهم هم نزلو علينا قال ابي اخذ حلالهم قالو ماتاخذ جيراننا قال الجربا الله دعاكم الحق نتطالب انا وياكم قالو مانطالبك قال ليه قالو ندري بنفسنا مفلوجين والحق لك .. وفي اثناء الحكي جت مرة الظفيري ومعه عقل البل وربطتهن بواسط بيت مبرد السوقي
قدام الجرباء والعفاريت الموجودين.. بعد ماشافو العقل مربوطه بالواسط قالو يافيصل ماعقب هذا شي..؟
اطلب الي تبي من حلالنا وحنا نخسرلك كثر البل اللي راحت . قال مابي الا الظفران وقام زعلان ... وفي اليوم الثاني جاهم عقيل الجاور قال ليه تزعلون عمي فيصل قالو ياعقيل حنا ما أزعلناه قلناله ابشر بالخساره حنا نخسرلك كثر حلالك وعيا يقبل الخساره .. قال عقيل خلاص عطوني الخساره وانا اعطيه عمي وان شاءالله يقبله
ويقومون العفاريت وكل بيت يخسر ناقه وناقتين ويجمعون الخساره(( 72 )) ناقه ويعطونه عقيل وياخذه عقيل ويعطيه فيصل الفرحان الجرباء ... وتنتهي المشكله ...................

وقال شاعر الظفير هذي الابيات يشكرفيها العفاريت على مافعلو من اجل جيرانهم
ياراكبا حمرا من الهجن حايل #حمراءيسوج بطانها ولعلوقي
عليه غلاما ماينام القوايل ## قرما على قطع الفيافي شفوقي
تلفي رباع مهديه كل عايل ## ادر السلام وغزرته لبن سوقي
ابو عبيد يساق دون الدخايل ## عن صيحه الجاره فداله بنوقي
وعده لبو وادي يدورالنفايل ## يذبح له الكبش السمين الفروقي
وعلى هليل شوق ضافي الجدايل # خيال حردا لاركب له سبوقي
وجدعان خبط ناقته مايسايل ##خزيزته يوم الدبايل حقوقي
عفيه مواريث موشمين الفتايل #يارب لاتظهر عليهم فتوقي
قصيرهـم مايزحمه كـل عـــايل ## يضحك حجاجه جنبوه الطروقي
وغنو بفعل كاسبين النفايل ## يم الشمال ويم غرب وشروقي


ابو عبيد# مبرد مناور السوقي
ابو وادي# صكب ابن سليمان السوقي
هليل# ابن علوان
جدعان# من المحيسن