.gif) تفريغ الكبت عبر الانترنت
| لانى شايفة انه موضوع بيهمنا كلنا فقرت طرحه للنقاش هنا
واتمنى ان يكون الحوار مزينا بالعفة فى اسنخدام الكلام والا نتطرق لالفاظ خارجة حتى لو على سبيل التدليل واثبات الفكرة
وهذا هو مضمون الطرح :
بنلاقى ناس بتدخل الانترنت خصوصا عشان تفرغ كبتها الجنسى او النفسى من خلال المنتديات عبر الملفات الخاصة والشات اللى بيحصل فيها واما عن الموضوعات طبعا فحدث ولا حرج نلاقيهم بيدخلوا ويتكلموا كلام جنسى فاضح ولا يستند على اى معلومات علمية وانما بعضه مستند على كلام المجلات الفاضحة او كلام سمعه فى افلام اجنبية والمصيبة الكبرى انه ينقل عبر المنتديات تجارب الغرب فى المسائل الجنسية بكل قذاراتها ويبرر هذا بانه واللهى عايز الاخ او الاخت يفيدوا الشباب ويعطوهم معلومات جنسية مهمة تفيدهم فى الزواج مع انه حتى كتب العلم عندما تتحدث فى الكلام او العلاقات الجنسية لا تتحدث بمثل تلك الفجاجة ولا تستخدم كتب العلم مثل تلك الالفاظ الجنسية البذيئة والفاضحة والتى يشيب لها شعر الولدان خجلا عند قرائتها كالتى قرأتها فى مواضيع الزواج فى بعض المنتديات
وطبعا تفريغ الكبت كمان بيشمل الميل والمواقع الاباحية وغرف الشات وغيرها واللى بيتردد عليها ملايين شباب العالم العربى وطبعا الموضوع مخصص للعالم العربى لانه هو ده عالمنا .. الشباب بيتردد عليها لعمل علاقات او تعارفات وبيعملوا امور هى محظورة فى عالمهم الحقيقي يعنى نلاقى البنات بتعمل لنفسها جو مخالف كليا لعالمها الحقيقى وكذلك الشباب وحتى بيستخدموا لغة فى الكلام مخالفة كليا لما يتكلموا به فى عالمهم الحقيقى وكانهم بيرسموا عالم خيالى عبر الانترنت وطبعا لهذا الامر مخاطره الجمة على الشباب لانهم بينقلوا لبعض تجارب كلها مافيهاش اى نوع من الخبرة الحقيقية ولا المعلومات العلمية ولا الطبية السليمة علاوة على انهم بيعيشوا تفريغ لكل طاقاتهم المكبوتة عن طريق العادات والتقاليد
والسؤال هنا اين الله والدين من كل تلك الافعال البذيئة ؟
الم نسمع باخواننا اعضاء المنتديات الذين وافتهم المنية وغدر بهم الموت المفاجئ ؟ الم نتعظ منهم ونتفكر ولو للحظة اننا لا نملك لحظة قادمة من عمرنا فنكف عن ارتكاب المحرمات اللى هى كلام فى الجنس فاضح وبذىء فى بعضه لاقصى درجة وبمبررات خائبة؟
وما هى رؤيتكم لمثل تلك الافعال اللى بيحاول الشاب او البنت تفريغ كبتهم من خلالها ؟
هل انت اخى الرجل تحترم مثل تلك الفتاة وخلينا نسال السؤال بشكل مباشر هل لو عرضت عليه هذه الفتاة كزوجة هل تقبل بها وانت عرفت عنها انها وزى ما بنقول عندنا فى مصر وشها مكشوف يعنى ماعندهاش حياء بتتكلم فى كل حاجة وبتدخل فى نقاش فى امور بعيدة عن الحياء وبعض البنات كمان اتفاجئت فى المواضيع الزوجية انها بتناقش فى مسميات جنسية او فى امور متصلة بمسميات جنسية سواء فى اللبس او الاعضاء والحركات الجنسية ؟
فين الحياء يا جماعة وهل العلم والثقافة والانفتاح انى كبنت او شاب اخلع شيمة الحياء عشان اكون بنى ادم مثلا
ولماذا كل انسان عنده ذرة من ايمان او دين ولو بسيط ما يطالبش بمنع المواضيع الهدامة والفاضحة دى على الاقل على منتداه اللى هو مشترك فيه ؟
ولا احنا لسة موش واخدين بالنا ان الاسلام بيحثنا على مكافحة الفساد ولا احنا لسة موش واخدين بالنا ان المواضيع ده بمثابة دعارة مقنعة واحيانا مكشوفة على الملأ
فين نخوتنا العربية ولا خلاص زى ما بيقولوا دمنا بقى مياه
وما رايك فى ان يقوم كل راجل او بنت عندهم امكانية اختراق وتهكير المواقع الجنسية دى او المواضيع الجنسية الفاضحة انهم يقوموا بعمل هاكر عليها وتحذير البقية وان يستمر هذا العمل بلا كلل او ملل اترك لكم النقاش بكل حرية ولكن فى حدود الكلام العفيف
تقبلوا اغلى امنياتى
مس وعد |
__________________
حذف لمخالفته شروط المنتدي
| 
« آخـــر مشاركات الأنساب »
02-11-09, 11:52 AM
العرض العادي
