أبكي هلي أهل العلوم المليحه=ولا لوم عيني لو جرى دمعها دم
إخواني أبكي والقصور المليحه=إخواني اللي لا بغوا لازم تــــم
ياما انتخو باسمي إليا حل صيحه=إليا انتخوبي كافر الجن يسلـم
اسمي كما نجمٍ ضرب قاع بيحه=أو الصواقع يوم للضلع ترجم
نوره أنا أخت الشيوخ الفليحه=أبوي حاكم وإخوتي صفوة الجم
يا حيف حايل فارقن ريح شيحه=بذيك الشغايا تقل ما قيل لي سم
محمد طلال اللي جرح للقريحه=وناسٍ بنا خانوا وناسٍ بنا لم
خانوا بحايل كاسبين الفضيحه=وأهل العمايم جعلهم في جهنم
أهل العمايم يدّعون النصيحه=جهال بدوٍ ما تعرف التيمم
لا بد ما صلف الهواء يزيل ريحه=ومثلي يذوق لوعة الغبن والغم
يالعبد عقب العز كبدي جريحه=حب الوطن يالعبد من عصر آدم
ويالعبد هذي من حكايا الفضيحه=خل السهر لي وأنت يالعبد قم نم
من أول (ن) نامر تجيب الذبيحه=واليـــوم يا عصر الندم صرت لي عــــــــــــم
هنيكم يا أهـل القلـوب المريحـه=وما لوم عيني لو جرى دمعها دم
أبكي هلي أهل الـدلال المليحـه=وإخواني اللي كل ما قلطـوا تـم