سدل جناحه ثم حام =يرقى على متن الهوا
يزفه بعيد وأنا =محــــــــدود فـــــي حــــــــد النظــــــــر
له بالهوا شف ومرام =يلعب مع الغيمه سوا
ولا جناح لي وأطير =والأرض صــــــــــارت لـــــي مقـــــر
طيري ضرب جو الهيام =ولو دعيته ما التوى
عزي لمن طيره غدا =ولا لـــــه مـــــن أمـــــــــره مفـــــــر
فكري تغشاه العسام =وأمسيت وفكري ما ضوى
الأرض قفرى من الونس =والليــــــل مـــــن فرحــــي قفــــــــر
شبيت ضوي بالظلام =في صحصح ذيبه عوى
مالي أنيس إلا النجوم =أو نـــور وضــــــــاح القمـــــــــــــر
خالي وكني في زحام =قلبي تلهب وانشوى
ما عاد أميز بالحشا =وإلا علـــــــــى الضـــو الجمــــــــــر
وين أنت يا داعي سلام =وين أنت يا بايع دوا
ردوا لي النومه ترى =بالعين جـــــــــــلاد السهــــــــــــــــر
دورت بالشده حزام =ولا لقيت اللي قوى
يالله دخيلك مالقيت =اللـــي نشـــــــد بـــه الظهـــــــــــــر