من ما يحس القلب ومخالج الروح= يمطر سحاب العين دون استغاثه
شريان خفاقي لورقاالزمن دوح= ناحت عليه لهاجسي وابتعاثه
اهيم مع جرد الصحاصيح واروح=شهب الفجاج ولا مقابل خباثه
تبين لي روس المراقيب وتروح=دووٍمن الوحده تضابح غلاثه
اسلي الخاطر بصفرن لهن فوح=بريهن يجلى الهموم وغثاثه
اوقد لهن من غالي السمر مطروح=على صلو ناره تلهوق ثلاثه
ماغير انا واللي يشوح الفشق شوح=فوارغه على يمينك بثاثه
وخطو اسردٍ ياطى المحادير وسفوح =ماقل عزمه لو تمثنى عثاثه
ليلي الياعسعس يعسعس له البوح=طرايفٍ مهي قصايد نكاثه
حتى تلاشا ظيقة الصدر وتزوح= البر لي وصفه وقاري نفاثه