إلى جنان الخلد يا بنت الاشراف=عسا الولي يقبلج عنده شهيدة
بجوار من يجزي عباده بالانصاف=رب ٍ كريم ٍ عادل ٍ في عبيده
ياللي عطيتي للبشر درس ينضاف=في التضحية ومعنى الشجاعة الفريدة
نتي نسيتي واللهب حيل خطّاف=عمرج وفكّرتي "بمريم" و "عيدة"
صرخات طفلة تدمي القلب رجّاف=ومن كل صوب اطفال تبكي شريدة
اتخيلك والنار شبّت بالاطراف=والحر يتزايد عليكم وقيدة
والطفلة تبكي اتقول يا ابلة انا اخاف=قلتي انا وياج منتي وحيدة
إمّا نجونا كلنّا سعْد وإلطاف=وان كان متنا فالشهادة مجيدة
ماني مفارقكم على كل ميقاف=يا احباب قلبي احضنوني سعيدة
علّمتكم واليوم تطبيق ما طاف= من المعاني والدروس الحميدة
يا ريم مثلج للوطن فخر وإشراف=وفعلج ترا نادر ويرفع رصيده
ذكرك بيبقى دوم والدمع ذرّاف=والكل لا جنّ الدجى يرفع ايده
الله يجمعكم معا خير الاسلاف=في جنّة الفردوس نعمة رغيدة
وردات محروقة جميلات ورهاف=خسارة ٍ تدمي الوطن في وريده
يا ليتنا نقدر نساعد بالاسعاف=حرام نخسر كلّ يوم ٍ فقيدة
الله يصبّر اهلهن ما به خلاف=هذا قضاء الله وربّي يريده
رثيتها باسمي وإسم كل الاشراف=كل الهواشم بس ويش القصيدة
مصابنا اكبر من القول والقاف=والشعر ما يوفي لها لو نجيده
والختم صلى الله على خير من طاف=طه الني حامل لواء العقيدة