11-10-09, 01:48 PM
|
#1 (permalink)
|
][::.عضو متميز.::][
تاريخ التسجيل: Feb 2009 الدولة: مصر فى الاسماعليه
المشاركات: 1,210
| .gif) محشى كرنب ورق عنب كوسة
اقدم لكم محشى كرنب -ورق عنب- كوة
كرنب او (ملفوف)
ورق عنب
كوسه فلفل بازنجان
شبت كزبرة
بصل كتير انا بكتر البصل والخضره قوي في المحشي بحب احس طعمهم
زيت ذرة
بهارات
(فلفل اسود كمون كزبره)
ملح
طماطم معصورة وملعقتين صلصة طماطم رز مصري - الطريقه ...............
انا بفرم بصلتين فرم خشن واحط الزيت واحطهم لحد مايصفروا دهبي فاتح اضيف الطماطم المعصورة وصلصة الطماطم واتركهم يتسبكوا لحد ما ينشف ماؤهم فى الفترة دى بكون سلقت الكرنب واقطعه واحفر الكوسه والبازنجان والفلفل وبعد مالصلصه اتسبكت اطفي النار وافرم 4 بصلات مع حبه فلفل رومى وحامى حسب الرغبه واقطع الخضرة واضيف المكونات كلها خضرة رز بهارات ملح بصل نيءواقلب والنار مطفيه عشان يفضل الخضرة خضرا زى ماهى وابتدى الحشو طبعا الكرنب لحاله بفرش الحله بصل حلقات وطماطم وفلفل اخضر وساعات بحط الجدور اللي طلعت من تنظيف الكرنب والف الكرنب وارصه صفوف وبعدين احط عليه شوية زيت واحط طبق على الوجة عشان ما يتفككش عند الغليان واحط عليه مرقة اللحم او البط او الدجاج واو مايغلي اهدي خالص عليه واسيبه مع نفسه
بحشي ورق العنب بنفس الطريقة بس بحط شرائح ليمون وريش ضانى في قاع القدر مع بطاطس حلقات وبردة اضيف طبق وشوربة لحم وبعد الغليان اهدى النار خالص واسيبه مع نفسه خالص
بالنسبه للكوسه والفلفل والبازنجان بحشيهم وبحط لب الكوسه في صينية فرن وارص الكوسه والفلفل والبازنجان واحط عليهم الشوربة واغطى عليهم بالقصدير واحطها على البوتجاز من فوق لحد ماتغلي وبعدين ادخلها الفرن واهديه من فوق وتحت وهى متغطيه وبعد ماتستوى اكشف القصدير واحمرالوجه بتاعها وان شاء الله ينول رضاكم واسيبكم مع الصور وبكدة انتهت رحلة المحاشي يارب تكون عجبتكم | |
|  |
« آخـــر مشاركات الأنساب »
شكرا لمرورك على موضوعي الشيماء
العرض العادي
