السلام عليكم ورحمة الله وبركاته
والله يا اخ جمال الموضوع فعلا مستفز جدا والاغرب من كدا انك لما تقول واحد من دول عيب يقولك يعنى انتا خلاص هاتعملى فيها مفتى واللى يدهشك اكتر واكتر انتا بتقول اللى بيعمل كدا رجالة او شباب فى المواصلات ما بالك بقى ان لو اللى بيعمل كدا بنات والله العظيم فيه بنات ربنا يعفى عنهم بيعملوا الحاجات دى .
وزى ما تفضلت وقولت مبقاش فيه حياء حتى مبقاش فيه احترام للسن او لاى حاجة يعنى مثلا لو انتا ف المترو ووقفت لبنت او لمدام يبقى انتا بتعاكس او لو قومت لراجل كبير او مسن يبقى انتا عاوز تعمل فيها بطل مع ان دا كان العادى بتاعنا وتلاقى كل اللى حواليك يبصولك باستغراب كانك عملت حاجة غريبة
والموقف دا والله حصل معايا من حوالى اسبوع كنت فى المترو وواحد ومراته واقفين والست تقريبا تعبانة او معرفش فيها اية وعمالة تعيط مش قادرة تقف فقومت من مكانى وقولت لجوزها خليها تقعد يرد عليا يقولى " خليك ف حالك انتا وانتا مالك وتعرفها منين اصلا عشان تقعدها مكانك " طبعا انا حطيط لسانى فى بوقى وقولت على اية الطيب احسن .
ربنا يهديهم ويهدينا والمسلمين جميعا