يا أبو ناصر ليت من شاف الخناصر = شاف خزة وامتلت منها عيونة
فوق عوس قطعت زد المواسر = ما بغو هلهن عليهن ياصلونة

أولاد زايد بين غرس مضلي = رجالهم درب الضفر ما يهابه (1)
وحلالهم في كل ريع يفلى = والحرب إلى جت ضربة هم حرابه
وجيرانهم ضربة سيوف تسلى = لا جاء لزومه فاجردة من جرابه
انشد هل التاريخ وأهل السجلى = وانشد هل المحمل ذياب الذيابه
أقول عنهم والدلايل تدلى = وابن عويدى قبل ما جبت جابه (2)
يوم الجبالي للبيارق يقلى = والغزو فى ساقة ذلوله دبابة (3)
وعبدالعزيز اللي عدوه يولي = دايم ركايبنا تباري ركابه
لا جاه مندوب الجماعه يهلي = يمد له يمناه ياخذ كتابه
عساه في الجنات يا الله يا اللي = يا الله يا اللي ما بعد صك بابه
ارحم فقيد المملكه والمحلي = عبدالعزيز اللي ضناه اعتزى به (4)
واختامها على نبيك نصلي = محمد اللي صاحبوه الصحابه

وا هني من نسل بدران ربـع لـه= ما يظام الجـار والجـار بدرانـي
لابة تمشي على الحـق والملـه= جارهم من بينهم تقـل سلطـان
لابة في الكون ما تطـري الذلـة= كل واحد في اللقا يسبق الثانـي
لا تناخوا واعتزوا واجملوا سلـة= من وقف في دربهم راح هميانـي
اّل زايد ذخرهم فـي اللقـا كلـه= ولا تفرق بين عامـر وودعانـي
بيرق واحد يسـرون فـي ظلـه= من ربى نجد إلى ظلـع نجـران
انشد التاريخ عـن دقـه وجلـه= للدواسر فعـل فـي كـل ميـدان
شيخنا صقر الجزيره عضود لـه= مخلصين له على طول الأزمان
ما يعرفـون الخيانـات والذلة = يرخصون الروح من دون الأوطان
كل ما قلتـه فالأخيـار كفـو لـه= ومن سمعني قال ما هو بغلطـان
جودهم للضيف جود علـى حلـه= يرخصون الزاد والبـن والضـان
والختم صلوا على صاحب الملـة= سيد كل الناس عـرب وعجمـان

قــــال من فنه على الزير غــنى به = وإن بدا في هرجه جاب معناها
دار يالــــلي فرعة العتك وهضابه = عــقب شـــيبان بنوها سكــناها
حق نحـــمى حمى بلدنا ونرعا به = ما نبالي كل ما راح يفداها
كم عقيد جـاء يــــبيها حذفنا به = لضواري تاكله مات ما جاها
سعد من حنا ضحى الكون له لابه = نحتـضي بالقالة اللي حضرناها
هيه ياللى تنقش الكــف بخـضابه = جادل (ن) بقــصور فيحان مرباها
الذلــيل الــلى خــطبها تهزا به = مال هـــابه لو من المال ياداها
شوقــها فـــعل المواجيب يحظى به = كل نفس شــهودها فعل يمناها
اّل زايد فعــلهم سيف وقــضى به = للعدو هم علة الـكبد ودواها