بنت الردي لا تأخذه= يظهر مثل أبوها الولد

عرب وليدك عربه = والنار من مقباسها
العز بوروك النساء= واللي عريب ساسها
وبنت الردي لا تأخذه= لوهو طويل راسها

يالله طلبتك يـا سريـع الإجابـه= تفتح لنا باب الفـرج بالمفاتيـح
طلبت عبيدٍ عنـد ربـه وأجابـه= يا خالقٍ رزق العرب والفلاليـح
النوم ساس اللوم بان الردى بـه= وعينٍ تبي الطولات نومه شلافيح
اللي يريد المدح يتعـب ركابـه= والرزق بطول الخطا يا أهل الفيح

يا حيف إن كان واطيه مثل عاليه= ليت منخفض الشعر مثل عاليـه

دنـيـت حـرٍ مـن سلايـل وضيـحـان = حـرٍ ‏مـعـرب مـن ركـايـب أصـيـلـه
يلـفي لبيـوت ‏تجـمع الصبح ديـوان = أهـل الـمكـارم ‏مقحـميـن الـدبـيـلـه
ربـع لـنـا عـنـد القبـايـل لهـم شـان = وقـبـيـلـة يـا وي والـلـه قـبـيـلــــه
عند ابن متعب نـوّخ الحـر شقـران = يـلـفـي لأبـو ‏ربـاح حـامـي دخـيلـه
عقب الكرامـه عندهـم مطلبي هـان = عـنـد الـولي مـا طلبـتي ‏مستحيلـه
أبـي نسبـكـم يـا عـطيـبيـن الأيمـان = بـنـتـك ‏أبـيهـا يـا ابـن عـمي حليلـه
أبـي غـلام بـالـلـقـا مـثـل ‏ولـمـــان = مـا قضّـب الغـلـمـان ملـوى شليلـه ‏
إليا اختلط عج الرمك واللغـا شـان = بالمـعـركـه يـرهـب عـدوه صهيلـه

خليلي من علينا عقيل بن عامر = أرى بكم الأنضا عن الدرب ميالي
أنا من ذوي عبدالحميد بن مدرك = هل الضرب بالهامات والنسب العالي
تخير جدي خال أبي ثم أبي = من الذروة العليا تخير أبي خالي