06-02-12, 02:04 PM
|
#1 (permalink)
|
| ][::. عضو .::][
تاريخ التسجيل: Sep 2010
المشاركات: 10
|  اهداء الى الشريف عبدالله آل الحسين رئيس مجلة السادة الاشراف
هذي قصيدتي مهداه الى الشريف عبدالله آل الحسين ( أبو محمد )
...
...
العز والنوماس والمجد والطيب & والمرجلة وطيب الاصل والشهامة
هذي وصوف اهل الوفا والمواجيب & اللي لهم وسط المكارم علامه
شرواك ياذيب بروس المراقيب & والليل الاظلم مايهيبك ظلامه
يابو محمد يابعيد المطاليب & ياللي تفوق الناس قدر ومقامه
على النقا دايم ولاناشك العيب & انقى من الامطار وسط الغمامه
واللي معه مثل البراكيت مايخيب & قومٍ لهم بالطيب قمة سنامه
أمجادهم عصر النبي والاصاحيب & من عام الاول لين يوم القيامه
الضيف لامن جاء يلقى تراحيب & ويلقى الدلال اللي تطير عسامه
ويلقى الكرم يلقى خيار المعازيب & ويلقى الرجال اللي تزيد احترامه
وقصيرنا دونه سيوف ومحاريب & نموت دونه ماتنبش خيامه
عدونا ماهو محصل مكاسيب & يرجع كسير يعض كف الندامه
من هو غزانا يبشر بشقة الجيب & مسكين مايبغى ياكود السلامه
وماكل طير يصيد لو به مخاليب & وفعل الصقر ماهو بفعل الحمامه
الله خلقنا للمكارم مناديب & والحر الاشقر مايضره حيامه
مانلتفت في قول بعض الاجانيب & ولا كل من يهرج سمعنا كلامه
وان كان في ذهنك من فعولنا ريب & انشد بحر جده وشوف الرغامه
هذول ربعي للجروح المعاطيب & شجعان ماداسوا دروب الرخامه
هم محزمي لا صار طعن ومضاريب & وكل ماقيل يكرب حزامه
توقيع / حسني الشريف | |
|  |
« آخـــر مشاركات الأنساب »
.gif){kind=icon}
بارك الله فيكم 
العرض العادي
