31-08-10, 05:16 PM
|
#1 (permalink)
|
][::.عضو متميز.::][
تاريخ التسجيل: Aug 2010 الدولة: مصر العمر: 29
المشاركات: 453
|  بر الوالدين
| السلام عليكم ورحمة الله وبركاته
بر الوالدين حبيت انقلهولكم من خلال فيديو اتفرجت عليه
المشهد راجل كبير ف السن عمرة تجاوز الستين ومعاه ابنه بعد الثلاثين بشوية وكانوا قاعدين فى حديقة والاب بيتامل فى المكان والابن بيقرأ جريدة .
وقف عصفور على شجرة قريبة منهم راح الاب سأل ابنه ( اية دا ؟ ) رد الابن ( دا عصفور يا والدى ) فاتت خمس دقائق وجه عصفور تانى وقف قريب منهم على الارض سأل ابنه ( اية دا ؟ ) رد الابن ( دا عصفور يا والدى ) سأله الاب تانى ( اية دا ؟ ) رد الابن ( يا والدى عصفور قولتلك عصفور ) سكت الاب شوية وبعدها سال الابن تانى ( اية دا ؟ ) رد الابن وهو بيصرخ ( ما قولتلك عصفور جاوبتك قبل كدا انتا مبتفهمش ولا اية ) فى اللحظة دى وقف الاب بعد ما كان جالس ومشى ناحية البيت وخرج بعد شوية ومعاه دفتر رجع لابنه واداه الدفتر وفتحله صفحة وقاله اقرأ بصوت عالى عشان اسمعك وبدأ الابن فى قراءة دفتر اليوميات
"" اليوم بلغ ابنى عامه الثالث ما اجمله وكنا نجلس فى الحديقة اذ اتى عصفور امامه وسالنى ابنى ما هذا يا ابى قفلت له انه عصفور وطوال المرات الواحد والعشرون التى سالنى فيها ماهذا كنت اجيبه هذا عصفور يا ولدى وكنت كل مرة اعانقه واقبله وكل مرة كان يعيد نفس السؤال حتى يجعلنى احمله واقبله وكل مرة كنت احس بالمودة والحب لطفلى الصغير البرىء ""
لما الابن خلص قراءة المذكرات مقدرش يمسك نفسه وبكى وحضن ابوه وقبل ايده واعتذر منه
بسم الله الرحمن الرحيم
وقضى ربك الا تعبدوا الا اياه وبالوالدين احسانا * اما يبلغن عندك الكبر احدهما او كلاهما فلا تقل لهما اوف ولا تنهر هما وقل لهما قولا كريما * واخفض لهما جناح الذل من الرحمة وقل رب ارحمهما كما ربيانى صغيرا
صدق الله العظيم
اللهم ارحم ابائنا وامهاتنا وتجاوز عن سيئاتهما واغفر لهما وادخلهما فسيح جناتك وسائر المسلمين | |
|  |
« آخـــر مشاركات الأنساب »
العرض العادي
