بعد فرّيت القلم بين اليراع هاض نظم القيل من مجنونها والقوافي مالها من الهجس راع قادها قود النضي وظعونها ما يضيّق خاطري غير الوداع والنشاما ما تخيب ظنونها وأشهد أن الطيب في الهافى ضياع من مواثيق الرجال يخونها من تعوّد للمهونه والخداع ما طهر لو رغرغوا صابونها لو برك للحمل مرّه ما أستطاع للثقايل يرتكي زبونها مثل من ذكره مع العربان شاع من رجال(ن)للعدي طاعونها صامل الوقفات حلال النزاع في ليال العسر والا هونها حاتميّ الكف وضيوفه شباع من يحط الضان فوق أصحونها وأن لقي له ناس في دربه جياع كل يوم(ن)يمتلي ماعونها المراجل والشكاله ما تباع وأهلها بنفوسهم يشرونها والسفينه في بحر تسعين باع تصفق الأمواج حول أركونها راسيّه لو الهوي هز الشراع من فضل رب البشر مع كونها قلتها ما كل من يامر يطاع والقبائل مختلف قانونها يوم أذيع العلم للعالم يذاع الذيابه لا تجر ألحونها الثّعاله تبترم قدم السباع وأن تعدّن كشّرت بسنونها والله اللي غيرت هاك الطباع لو قنب ذيب الخلاء من دونها يوم رزق الذيب من كسب الذراع أن نظرها صفرت طبلونها كيف بنت كليب ربتّها الضباع قصة(ن)ما قلتها يقلونها لو فجوج الأرض للطيّب وساع للحساء نخيلها وعيونها فرّقوا بين السوالف يا الرّعاع والبحر في قاعته فرعونها ما جهلّنا في الثنيّه والرباع ثابته للناس شوف اعيونها مال بعض الهرج يا أهل الهرج داع يا كبودن ولّعت غليونها الحكي في الناس ما سرالضفاع وكم عيال(ن)رزقها من شونها للنّبي خير الوسيله والشّفاع الصلاه وعد وبل امزونها والتحيّه ما دعاء لله داع والأمانها شالها مامونها نور وجهه مع ثنيات الوداع والرساله للبشر يقرونها