 لأنـــك غاليـــــة
لأنـــك غاليـــــة
عمرك حسيتى قبل كده إنك غالية ؟؟؟؟؟؟؟؟
ولو حسيتى الاحساس ده ياترى ليه حسيتى بيه ؟
عارفه انتى غاليه ليه ؟؟؟؟؟
لانك مسلمة ..
عارفه يعنى أيه مسلمه ؟؟
مسملة = ملكة
أحد الانجليز سألأ واحد مسلم وقال له :
ليه المرأة المسلمة مش بتسلم على الرجال كلهم ؟
رد عليه المسلم وقال له : عندكم فى بريطانيا ، هل مسموح لأى شخص انه يسلم على الملكه ؟؟
رد الانجليزى وقال : لأطبعاً مش مسموح .. عندنا سبع أصناف بس من الناس يجيز لهم القانون ده ..
رد المسلم وقال له : واحنا عندنا اصناف محدده برده هما بس اللى يجوز لهم ذلك زى ما انتو بتعملو ده علشان الملكة
لأن عندنا فى الاسلام :
كل النســـــاء ملكات
يااااااااااااااااااااااااااااه لو عرفتى قد ايييييييه
إنتى غالية ..!!
ياااااه لو عرفتى قد ايه الاسلام رفع من شأنك وكرمك تكريم ملهوش مثيل ..!
لااااازم تعرفى انتى غاليه قد ايه علشان تحسى بقيمتك فى الحياه ..
إنتى كــ "أنثى" بتمثلى نص المجتمع
وبتولدى النص التانى .. يعنى انتى المجتمع كله .!
انتى المسئولة عن تربية الاجيال ..
يعنى صلاح المجتمع مرهون بيكى انتى ..!
إنتى غاليه أووووووووووى ، لدرجه إنك لو تأملتى فى القرآن معجزة ربنا الخالده
فى الارض مش هتلاقى سورة اسمها الرجال .. ولكن فيه سورة من اكبر سور القرأن اسمها "سورة النساء"
فيه سورة كامله سميت بإسم امرأة وهى :سورة مريم" ..
فيه سورة نزلت فى إمرأة :سورة المجادلة" وكذلك سورة "الممتحنة" ..
إنتى غالية لدرجه إن ربنا يقول :
(يهب لمن يشاء إناثا ويهب لمن يشاء الذكور)
الوهب يعنى العطاء .. وربنا ذكرك قبل الرجال فى الوهب ، وده تكريم ليكى وإعلاء شأنك ..
انتى غاليه اووووووى عند النبى صلى الله عليه وسلم لدرجه انه يخوض معركة وغزوة مع اليهود
تسيل فيها دماء المسلمين علشان ..
واحد يهودى راود إمراة مسملة إنها تكشف وجهها !!
انتى غاليه اوى عند النبى صلى الله عليه وسلم لدرجه إنه بيوصى بيكى فى حجة الوداع قبل مايموت وبيقول :
(إستوصوا بالنساء خيراً)
وأيضاً صلى الله عليه وسلم بيوصى بيكى فى حديث اخر وبيقول :
(إن الله يوصيكم بالنساء خيراً ، إن الله يوصيكم بالنساء خيراً ، فإنهن أمهاتكم وبناتكم وخالاتكم)
إنتى غالية اوى عند النبى صلى الله عليه وسلم .. لدرجه إنه يقول إن اللى هيموت وهو بيدافع عنك هيبقى شهيد
(من قتل دون أهله فهو شهيد)
انتى غاليه عند النبى صلى الله عليه وسلم وعلشان كده قال : (رفقاً بالقوارير)
شوفتى التشبيه الرائع ده من النبى .. للنساء بالقوارير فى الرقة والطيبة والشفافية والعاطفة ، ووصيته للرجال باللطف بيكى وعدم جرحهم ليكى
انتى غالية أوى .. وعلشان كده الاسلام كرمك
كـ"بنت" وكـ"زوجة" وكـ"أم" ..
الاسلام كرمك كـ"بنت" لدرجة ان النبى صلى الله عليه وسلم يقول :
(من كان له أختان او ابنتان ، فأحسن إليهما ما صحبتاه ، كنت انا وهو فى الجنة كهاتين ، وقرن بين أصبعيه )
اللى هيحسن معاملتك هيبقى مع النبى فى الجنة !!
الاسلام كرمك كـ"زوجة" وأوجب على زوجك الانفاق عليكى وأمره بحسن عشرتك
قال الله تعالى : ( وعاشروهن بالمعروف )
وقال صلى الله عليه وسلم :(خياركم خياركم لنسائهم )
الاسلام كرمك كـ"أم" لدرجة إن النبى صلى الله عليه وسلم يوصى بيكى ويقول :
( أمك ثم أمك ثم أمك ) ..!!
الاسلام كرمك كـ"أم" لدرجة إن النبى صلى الله عليه وسلم يقول :
(إلزم رجلها فثم الجنة )
الجنة تحت رجليكى !! فيه تكريم أكتر من كده !
من كتاب د/ مصطفى زايد |
التعديل الأخير تم بواسطة المعتزة بإسلامها ; 29-01-12 الساعة 03:22 PM.
| 
« آخـــر مشاركات الأنساب »
29-01-12, 03:15 PM
العرض العادي
