لقد أسمعت لو ناديت حيا= ولكن لا حياة لمن تنادي

لكل داء دواء يستطب به= إلا الحماقة أعيت من يداويها

أول كلام الحمد لمفرج الهم= فارض علي الموت هو والحياتي
طار (ن) عليّ اليوم أبغى أتكلم = وأقول قول (ن) وأتبعه بمنواتي
ودي أنور معتم الليل الأظلم = بقاف لأبو منصور ستر البناتي
وأحيا بعز ما معاه أتندم= عز من الأدنين وإلا المماتي
يا عاصبي يا مسندي يا ولد عم = جاه الغريب أقصاه مثل الهباتي
عود (ن) جمعني فيك مرحوم يا عم = وش لون ترضى لابن عمك مماتي
كل الخلايق تعرف الحزن والهم= وأنا همومي ضاعف لي عناتي
هم (ن) جعل بالزاد شري (ن) وعلقم= سم (ن) سرى بالدم وأفسد نباتي
واّخر كلامي زبدة الهرج تسلم= جعل السعادة دونكم ما تباتي

يا طالب النجدة أنا مهتم = بأجيك لو دونك بحور الفراتي
أقرب قريب لي على فورة الدم= وش لون ما أفزع له بوقت سعواتي
كل الخزيم والمهنا بني عم = وإلى رفعت الصوت جوك افزعاتي
يا شيخ ما توك علينا تأقلم= ويا أخوي ما أرضى فيك دقت حصاتي
يا أخوي أنا والله فلا عنك بأعلم = أيضا ولا عندك خبر في سواتي
أسهر طوال الليل وأزايم الهم= هم إلى طول يهدد حياتي
يا داعي (ن) بالصوت من غفلتك قم = بأرخي لك الحبل القوي الثباتي
ولبيك يا داع (ن) على شوفك أحم= وألاحق الحنة بكثر اعبراتي
ويا سامع الصوتين قولوا لنا تم= حق على الطيب يوافق رواتي
وإلا الردي دايم على السب والذم = لا سايل عنه وكنه خواتي
هذا كلامي وافتهم يالملثم= قلص رشاك لا يجيك احصواتي
واختامها عد ما سيل التم= واعداد ما سار القلم بالدواتي