قال الأخلاء أرخه فقلت لهم = أرخت قالوا : بماذا قلت : غربال

سبحانك الله يا عزيز الجلالي = يا من لكلن كافل ومتضمن
قلته وأنا فالحاير أو في حوالي = لكن هواجيسي هن اللي يخيلن
خيّل سحاب الفكر غرب شمالي = فياض البكيريه عساهن يسيلن
متراكمن كنه سواد الليالي = كن الضحى بالليل الأسود مبطن
وكن البروق ملاعبين الحبالي = أو النجوم بليل غدرن تداون
من سمع رعاده يجيه اختلالي = أطواب حرب بالذخاير تراطن
صيده ذعر غشاه مثل الجفالي = وأحيان صياخ وجوم يتوحن
وتثولثنه مربيات الخيالي = ذولي يردنه وذولي يدزن
وترادف السحاب فوق الجبالي = ونامن على ظهر الجبل يوم ركبن
من المدينه للكويت متوالي = البرق يضحك والسحاب يتباكن
صب وعطا رب أسبوع كمالي = من جود من يعطي ويغني بلا من
ومعوج الوادي كلاه اعتدالي = شال وحفر جرفه وعدل وزين
وادي الرمه قال أبشروا يا عيالي = أنا لي أيام أبيهن يعودن
بعض النخل هو والشجر فالرمالي = على يمين ومن يسار نسفهن
وشين بحمله راح به ما يبالي = لأرامل من حملهن بي يخرفن
كنه يبا البصره يموم عدالي = هذي حراوي يمته كان لي ظن
قلبي يحب الخير لأهل الحلالي = ولا أرضى مضرة مسلم لو يضرن
راع النخل خير ووسيع بالي = ولا قصدته بس الأقدار يرمن
وصف أبا أقوله ولو كان تالي = لكن خلك للمعاني مفطن
صار الدلو والحوض والحبل غالي = رخص السمن وإما العكك ما يطالن
تغلى القدور وينشرن الدلالي = وكل يبيهن عند بيته ينوخن
كرم الطبع ما هو بكرم احتيالي = يبي السمن والإقط كرم معه فن
وسلم على اللي يلحقون التوالي = يفرح بأهل عوص النضا يوم يلفن
ضوه إلى جاء الليل شبت تلالي = ونجره لربعه كل ما شب دندن
تم الشهر عقب المطر ذا الهلالي = اليوم أبا أصف كيف الراس من البن
يا زينة الأوصاف بالله تعالي = ناديتهن ثم أقبلن يتغاضن
بالله وين دياركن يا حلالي = حنا زهور العشب من كننا ظن
غب الشهر حلالها بالمفالي = من العشب ذا ينفت وذا لي نفت ون
ورد الحلال حلول وقت الزوالي = يرعن شوي ولا يخلن يبطن
ونياقها شعاه مثل الهبالي = وصارن وثنات الركايب يهدرن
وعلى الروابي فرش مثل الزوالي = زهره وجنحان الفراش يتباهن
وطير أم سالم جالها فيه حالي = وقالت لعشاق الزهر مثلنا غن
قلته فابن عم علومه تقالي = له في المراجل ناصعات يقالن
قيدوم لا عدوا زحزل الرجالي = ينهض حجاجه لأرخم القوم طمن
ويجيب من أفوه الأفاع الريالي = يغذي دلال للنشامى يعدن
شمس المراجل له اشداد ظلالي = وإن كفنوا هو بالمدايح يكفن
له ناقة حمرا وطت كل خالي = خويه إما الذيب وإلا أبتع الجن
حمرا وأخذت اوصوفها من الغزالي = لولا اشداده والرسن كنها كن
حمرا وفيها من الجنيه أو تحالي = اسم الله عليها من عيون المشطن
كن القطا عمامها والخوالي = أو النعام إلى عطن مقفياتن
وينظم من الأمثال حلو اللالي= مثايلن في نجد ولنجد غنن
منها بيوت كالغدير الزلالي = موروثها بأغلى الثمن ما يباعن
هذا عبدالله كان عنه بتسالي = ابن خزيم كان عنه بتظنن
مع ذا بأوضح دقها والجلالي =شيخ من العزة إلى قيل من من
له لابة مثل النجوم التوالي = من تاه في مسراه له بيدلن
وأهل البكيريه يباس البلالي = ودك بهم لين أشهب الملح دخن
وجيرانهم كسابة للمعالي = زنودهم من قدحة الجود سقن
سبيعهم واللي نزل عقب تالي = في ظل من عسى لياله يدومن
وذكر وصلاة عد ما نبت بالي = على النبي ولزاهر العشب يرعن

سلام من قلب به الحب نزي= سلام محب للعزيزي معايد
عداد ما ناح القميري وفزي = مذير من فوق هدب الجرايد
لابن خزيم مسندي وهو عزي = لابن السبيعي وابن عمي نعايد
يقول من عينه عن النوم تجزي = والهم دوم بين الأضلاع زايد
الله من قلب به الهم لزي= وأدافع العبرات جمع وشرايد
وسط الضماير ميسم الغبن حزي = والصد شفته بين الأقراب سايد
وما بيرق العشاق بالقلب رزي= وطرد الهوى عقب الثلاثين كايد
حتى ولو شفت المها لي يقزي= أصد وقلبي للسلامه محايد
همي صدود عقب جمع وعزي = من الحمولة والضنا والبدايد
لهم أدوج تقل بياع بزي = من بي يروف وما على الله كايد
لأطريت جمع الشمل ردوا بطزي= ومن يدرق المقفين للهم صايد
يا شوق من يكسى حرير وخزي= ضنى الخزيم نسل صاف العقايد
يكسى حرير ينسجه دود قزي= ما تقبل التقليد عزه بزايد
اعداد عرق من ثرى النيل مزي = تبارك الله من ضميري وكايد
من ماكر دوم على العز رزي= مرساه مثل طويق ما به بعايد
وياليت ذلي يالعزيزي يدزي= بالمال وإلا الجاه وإلا العوايد
وسبحان رب للسبيعي معزي = بالصدق ما هو بالمنى والوعايد
ونخيت من مثله لمثلي يعزي= لأجل رفيقه ما يهاب الشدايد
بكم عسى من بعدكم ما نعزي= يا عل ولد اللاش عنكم فقايد
بجذع كريم مستجير وأهزي = وأريد راي مترجم بالقصايد
مالرد لعب الشهر نط بنقزي= ما له طعم ولا برده سعايد
موزون وصدر البيت قافه على ازي= والعجز مثله والمقفى على ايد
ختمي صلاة مع خفوق ينزي = لمحمد المرسول بالخير قايد

أنا أحمد اللي للمصلين عزي = جبار ما تخفى عليه الجحايد
فرد كريم (ن) للمضلين دزي= بالنار والغسلين نص العقايد
وأثني سلام (ن) لأبو شايع يعزي= ألذ وأحلى من حليب الفرايد
مع خايع (ن) في تالي الليل مزي= ريق السحابة من حقوق الرعايد
وفي خبة (ن) مرماثها مستعزي= ترعى من النوار والربل زايد
تروح خليط العشب في در يزي= وجيه الرجال اللي نصتنا تعايد
وأهلا (ن) هلا (ن) بالشيخ شيخ ترزي= له رأية بيضاء سمول وجدايد
ويا مرحبا بالقاف قاف يخزي= عين الحسود بشوك حدب الجرايد
وياليت ربي يالعريني يحزي= عنق الحسود بمصقلات الحدايد
أفرح بكم يا ابن الحموله وأفزي= وأشيل حملك يالبليهي وأعايد
وإن قدر الوالي عليك التلزي =فعسى الفرج عند احتكام المصايد
نام الخلاوي فوق شوك يغزي= من خوفته يعتاد لين الوسايد
وإن كان تشكي الضيم فأنا معزي= سيف الرشيد اللي على الضد كايد
وأنا لعدوانك صلاة وقزي= وأنا لعدوانك شبوب الوقايد
لعيناك يا ابن العم بجاهي وعزي= ولعيناك يا ابن العم ماني بنايد
ما أنت بذليل وعزك اليوم رزي= وأودع عظام اللي يضدك بجايد
يا شيخ يا ابن الشيخ يا من يعزي= ابشر بفزعتنا وصدق الوعايد
ترى الصوالح عرق طيب ينزي= بالجود والمعروف وأيضا العوايد
وإلا أنت بحر وبالمراجل تلزي= وأنا شويعر وأنت راع القصايد
ومن يتبع المقفين يبشر بطزي= مثل الذي يدفق صميله بنايد
في حمة من تالي الصيف جزي= عروق الشجر من منبته بالشدايد
ويا بنت والله بالأراذل تهزي= وإلا المراجل وأهلها في سنايد
وأبوك يا شايع ترى عد عزي= وبحقكم صدّر وحقه ورايد
محبوب عند الكل حب (ن) يبزي= كل الحموله والرفاقه عدايد
وإن ساعف المولى بحظه ونزي= فاعرف تراك من الفرح في زهايد
قلت اّه وا ويلاه يا حيف رزي= على المروؤه نصبها بالخدايد
والمال والله يا أبو شايع يعزي= ما دام ياقع في ايدين الولايد
والمال والله يالعريني يخزّي = لا صار عند اللي يدور الفوايد
قلته وأنا من لابة (ن) تستعزي= بالجار هو والضيف علم (ن) وكايد
وختامها التسليم ما طار وزي= على نبي هادي للبدايد

لو كنت حرا من سلالة طاهر = ما كنت هتاكا لحرمة مسلم

إذا ذكر الخزيم في مكان = فعطر الذكر يغشى الحاضرينا

وإذا أراد الله نشر فضيلة طويت = أتاح لها لسان حسودي

سل البطين بعارض يوم دوشان = نقع الثرى غطى السماء والمرافيع
ومن يوم شاف إن الردى بالعدى بان = حدر شمال منكف جو وسريع
يبا القصيم اديار خصب وريضان = عشب يفوح اخزامها ضاع تضويع
ما قد تعنزنا ولا شك سبعان = ولا احنا احلوف للقبائل متابيع
حنا من أصل سبيع خذ من برهان = بني عزيز بن عمر دون تسميع
ولا الفخر فيها ولا زود ميزان = ترى الفخر بالدين ناصحك وتطيع